Tur palapa te mescos? Mi’n sa….

Na beach tin dos tipo di palapa segun mi. Uno ta esna cu e hotelnan ta paga precario na gobierno pa asina por uza tereno di gobierno o sea probiedad publico, cu no ta terreno di e hotel. E otro ta riba tereno (erfpacht) di e hotelnan. E palapanan cu ta riba tereno cu ta paga precario ta liber pa publico segun e condicionan di e permiso di precario door cu e palapa ta wordo considera propiedad di gobierno (zgn. natrekking). Door di esaki e palapanan aki por wordo uza door di publico en general. Pa beach chair en todo caso si no tin natrekking.

E palapanan riba tereno erfpacht di hotel kisas ta poco otro. Aki no tin precario riba tereno publico pero canon cu hotel ta paga. E mesun canon cu ta conta pa e edificio ta conta pa e palapanan aki. Esey lo kier men cu e palapanan aki ta di hotel y no di publico y cu hotel por exigi esakinan pa nan guest. Mescos cu e hotel por limita aceso na cierto otro partinan di nan tereno erfpacht. Pero kisas mi ta wak e co ki robes. By the way a wordo menciona un sentencia di 2015 pero esey tawata un kort geding y e opinion preliminar di corte di promer instancia. Cu mi sa no a sigui un bodemzaak.